|
MÜNGÖ LÖRÖ NA YÂ MÄBÊ
"... Yê ôko agbû bê tî mbï : mbï yê tî grisa yê sô ayeke na pekô, tï kpë, tî gbû yê sô ayeke kâ, na li nî..." (Fïlîpe - Philippiens - 3 : 13 b)
Âîtä tî mbï na yâ Jésus-Christ,
Bê tî mbï ane mîngi tî sü na âla tênë sô : fadë mbï kîri mbï sâra kwa na ndö lêndo sô mbênî pëpë, tëtî Nzapä tî ë, Mvenî tî Yäkä nî, aîri mbï awe fadësô na mbênî kusâra ndê na yâ Eglise tî Lo.
Sô ayê tî tene : tângo tî sâra yê ûse, otâ, wala ahön sô, na tî sâra nî taâ mbîrîmbîrî, na bê tî mbï kwê, tëtî a yeke kusâra tî Walömbe tî mäbê tî mbï, ayeke da mbênî pëpëe.
Nzapä aîri mbï giri na pöpö tî âsöngö, Lo gä na mbï na ndo sô tëtî kusâra tî Lo, atâa bê tï mbï angbâ mîngi gï na ndö ködrö sô sï a nzere na Lo tîtene a dü mbï da. Fadësô, Lo îri mbï tî gwe tî fa Tënë Nzönî tî Lo na âmarä sô sï Lo to mbï awe na pöpö tî âla, lêgëôko töngana Lo yeke îri ngâ âmêlengê tî âködrö wandê, na Lo yeke to âla na Bêafrîka, tî sâra kusâra tî Lo kâ.
Mbï yê tî dëkîte na Lo mbênî pëpëe : mbï fûta ângangü-li tî mbï nî ngbiiiii, a lîngbi fadësô awe...
Töngasô, mbï yeke zîa âla na mambôko tî Lo tî Ngangü Ahön Kwê, na tî ndoyêe tî Lo : fadë Lo ngbâ tî sâra ânde na âla na yâ yê kwê, ngâ, na mändängö finî Sahngo tî Ködrö tî ë !
Fadë Lo bata âla na yâ mäbê, zûskâ na lâ nî sô Lo dîko !
Ë sambêla tëtî mbï, na âsöngö tî mbï na ndo sô, sï ë kwê ë ngbâ tî sâra na Lo, na ngangü tî ndoyêe tî bê tî ë kwê, zûskâ...
Grâce na ndoyêe tï Nzapä Babâ, na tî Jésus-Christ, na tî Yingö Vurü, angbâ na âla kwê, kwê, kwê !
Gbâ tî singîla mîngi na gängö tî âla lâ kwê na ndö tî lêndo sô, zûskâ lâsô !
CMM - MNA
|
