GUI TONGA NA SO EGLISE AYE...

Na dounia so, yé mingui ayéké changé na ya fini ti zo, ouala na ya ti Eglise ti Jésus-Christ, ouala, nga, na ya kodro. Yé so asara si azo mingui angba na péko ayéké ngangou ti changement ni pépé, mais bé ti zo :

r Zo so lo yé, fadé lo manda fini yé so assi, fadé fadé, na lo hinga ni nzoni ; tonga so, fadé lo ngba ti louti na ndouzou la' koué, na lo yéké tambéla na li ni, la koué nga ;

r Zo so ayé fini yé pépé, fadé le sara koué, ti ké fini ndara so assi, na fadé lo ngba na péko, la koué, na ya yé koué.

Biani, afini yé mingui so ayéké si, ayéké gui nzoni yé pépé ; tonga so, ayéké nzoni pépé, ti yé da fadé fadé na afini yé koué.

Mais ambéni fini yé ayéké da, so fadé asara nzoni mingui na zo, ouala na Eglise, ouala na kodro, gui tonga na zo ayé da, ti li na ya fini yé ni so, na ti manda ni, même tonga na bé ayé ni pépé : fini Sango ayéké na popo ti mara ti afini yé so si fadé a sara nzoni mingui na azo, na Eglise ti Jésus-Christ, nga, na kodro ti ani Bé-Afrika, téti fadé so, ani lingbi ti di iri ti afini yé mingui, so assi singo na ya dounia so angoro ani.

Téti tèné so, a yéké na Eglise ti Jésus-Christ, so ayéké na kodro ti ani, ti yé da ti manda fini yanga so, fadé fadé, na ti fa ni na aouamabé koué, si ala lingbi ti diko Mbéti ti Nzapa na ya fini Sango so, na ti sou aouango-tèné ndé ndé ti mabé, na mbéti, na ya fini yanga so, si, la' koué, na mbagué na mbagué koué, ouamabé alingbi ti ouara nzo kobé ti Yingo la koué, téti âme ti lo.

Azo mingui so ahinga tâ Nzapa pépé ayéké sou sioni ouango ti ala na ya fini Sango, ti iri azo mingui ti goué na mbagué ti ala. Fadé Eglise ti jésus-Christ, so ayéké sinziri, na guéré ti Tèné-Biani, aké ti fa Tèné-Biani so na azo, na ya yanga so ala lingbi ama nzoni ?

A yéké nzoni Eglise agbo li ti lo nzoni, ti ba, tonga na a yéké nzoni ti vi péko na fini yanga ti Sango so biani, na ti kanga légué na aouagamé ti kékéréké ti ngba ti hinga Tèné ti Nzapa téti salut ti ala na ya yanga ti ngoy ti ala, ouala ti zi légué na ala, fadé so, téti nzoni ti ala.

Zia donzi ti Nzapa angba na Eglise ti Lo !

C. MABADA-MABAYE - MNA