MANDA FINÎ SÄNGÖ !

Ita koli, Ita ouali,

Mo yéké méléngué ti kodro, na mo yéké ouamabé. 

Mo hinga yanga ti kodro ti ani ndjoni : mo yéké diko ni, na mo sou ni ndjoni, tonga na mo yé ti to mbéni mbéti na zo so lo hinga yanga ti faranzi pépé.

La' so, dounia ayéké changé fadé fadé mingui. Hingango-yé ayéké wou, na légué ti kanga lé da ayéké mbéni pépé, téti fadé afini hingango-yé so agui légué ti mo, juska na yanga-da', na légué ti radio, ti fonono, ti talato, ti Internet, na alingbi mo mou na ala iri : na yanga ti Sango ! Téti tonga na ala si na ngoy ti akotara ti ani, ka ala djia iri da aoué. Mais ala si na ngoy ti ani...

Afini hingango-yé so ayéké douti andé yé so améléngué na atara ti ani ayéké manda, téti guigui ti ala ti kékéréké. Na tonga na mo yé ala ti ouara fini ti la' koué la'koué, ayéké ndjoni Mbéti ti Nzapa so mo mou na ala ti diko, assara téné na ya bé ti ala ; so atèné : ala diko ni na yanga ti kodro so ala ma ya ni ndjoni. Fadé ani djia ala gui tonga so, na ya ngoy so ayéké changé mingui so, tonga na gné ?

Chapitre so ayéké chapitre ti mandango fini Sango. Fadé mo manda akozo ndia ti fini Sango so fadé fadé mingui, téti tâ kota yé ti mandango-ni ayéké gui ala ossé so !

OSSÉ !

Ti faranzi ayéké oké ? Mais mo ké ti manda ni pépé !

Ti Anglais ayéké oké ? Mais mo ké ti manda ni pépé na collège, ouala na lycée, ouala même na université !

Ita, kpingba yé ti hinga, na ya andia ti fini Sango so, ayéké gui OSSÉ ! Tanga ni, mo hinga ni koué aoué !

Téti téné so, mo sara mbito pépé ! Mou ngoy so mo yé, na mo diko andourou leçon ti fini Sango so ndjoni. Na péko ni, yé da ti tara téré ti mo na akwa ti tarango-ndara so fadé mo ouara na ndo leçon so mo diko.

Fadé mo ba : a yéké ngangou oko pépé !

Mbi téné na mo :

Ndjoni gango na kozo leçon ti mo !

C. MABADA-MABAYE  -  M.N.A.

 

 

 
[ BALAÔ ? ! ] [ SANGO NA SÄNGÖ ] [  FINΠSAHNGO ] [ TËNË TΠNZAPÄ ] [ GOGORO ] [ DA-LISORÖ ] [ MNA - FINΠMBELE  ] [ ÂLÊNDO TΠSÄNGÖ ] [ TO YÂNG NA Ë ]
Copyright © Ministère de la Nouvelle Alliance (M.N.A.) - Toutes reproductions autorisées