|
BALAO ? !
Na nze tî Kûkürû sô, âtënë ûse ayeke da tî bängö nî :
1) Gï lisorö... Lisorö tî zïängö terê... Gï tanga tî nömörö tî lêndo sô laâ...
2) Âsabëtere otâ, na usïö tî bûku sö ë töndâ tî mändängö tënë tî yâ nî na ndö Eglise tî Jésus-Christ : na mbâgë, Mbëtï tî Nzapä atene giriri awe, sô fadë ânde Eglise nî ayeke buba... Na mbênî mbâgë ngâ, gï ôko Mbëtï tî Nzapä sô afa na taâ wamäbê yê tî särängö nî na yâ sïönî tângo töngasô, sï lo hön yê kwê na ngangü tî Nzapä, na lo ngbâ tî lütï na ndüzü, zûskâ Jésus akîri !
Âtënë tî yâ tî bûku sô agbô bê tî ë sêngê pëpëe : töngana ë zî lê tî ë tî bâa ndo, na ë zî ngâ mê tî ë tî mä tënë kwê sô ayeke sïgï na yângâ tî Nzapä, fadë yê tî bübä awara wamäbê tî lâsô pëpëe, na ânde fadë lo mä trompette tî kpälängö Eglise ti Jésus-Christ, töngana Nzapä adîko lo tî ngbâ na finî zûskâ na lâ nî sô. Nî laâ sï, na ndo sô, MNA ayeke sâra tî lo gï kwa tî sînzîrî, na pöpö tî âmêlengê tî Nzapä, tî îri âla tî kpîngba na yâ mäbê ! Christ agä ndurü awe !
Na mo grisa pëpë tî dîko Mbëtï tî Nzapä tî mo lâkwê, na lêgê tî kalendriëe sô ë zîa ge ndâli tî mo. Gï töngasô ânde sï mo mû nzönî kôbe tî Yingö na âme tî mo lâkwê lakwê !
Fono nzönî na ndö lêndo tî mo !
Nzapä tî Ngangü Kwê, agwe na mo !
C. MABADA-MABAYE - MNA
*********************
"Ba ! Ngassangbaga ti Nzapa ! Lo so alounguéla siokpari ti sessé so ! (Jean 1 : 29)
| 
