GERÊ TÎ MÄBÊ TÎ M.N.A.

Ngbongbôro göndâ ti mäbê tî ë na M.N.A. ayeke ûse :

I) SALUT TÎ WASÏÖKPÄRÏ KÔZONÎ YÊ KWÊ !

Mbëtï tï Nzapä atene :

"...Kwa tî Yingö ayeke tî sâra sï âzo agä mbîrîmbîrî na lê tî Nzapä..." (2 Korente 3 : 9).

Zo sô Nzapä agwe agi lo na dônzi kwê, ngâ, na kötä ndoyêe na bê, sï asôo lo na yâ ngbâa tî sïökpärï na kwîi : fadë lo hônde tënë tî kötä salut töngasô na mbêni zo sô âde na yâ sïökpärï, töngana nye ?

Ë voro Nzapä tî Finî tî mû na ë ngangü tî gi âzo tëtî Lo, zûskâ na ngoy sô Lo dîko !

II) MÄBÊ SÔ ALË PËPË NA NZÖ KUSÂRA, A KWÎI AWE !

Bîanî, na sêse sô, pönö asï sïngö, na gï âwanzînga lâkwê laâ ayeke fûta pönö sô : gï na finî tî âla lâkûê !

Sambêla tî ë na M.N.A. ayeke tî voro Nzapä, Mvenî tî mosoro kwê tî dûnîa, tî mû yê sô alîngbi, sï M.N.A. agä nzö Samaritïin tëtî âwanzînga tî Lo, na ndo kwê sô anzere na Lo tî îri ë da, na kusâra tî Lo (Luc 10 : 25 - 37).

Wâ tî ndoyêe tî Zezü-Kri ayeke gbï na yâ bê tî ë...