ÂKÊTÊ-KÊTÊ KWA, TÎ TARA MÄNDÄNGÖ-YË TÎ MO

ÂLESÖON 01 NA 02 : Âgerêgô - Lafabëe - Âmbupa na Âsêgô

LESÖON 01 : ÂGERÊGÔ - LAFABËE - ÂMBUPA NA ÂSÊGÔ

KÔZO HÄKÄNGÖ-TERÊ

Manda lafabëe ti Sängö, ngâ na âkpoto tî âsêgô otâ kwê nzönî. Na pekônî, mo dîko âmbupa sô na ndüzü, na mo zîa kpoto sô alîngbi mbîrîmbîri na taâ ndo tî lo :

Singila - Bamara - Kondo - Zuu - Dedee - Fotoo - Basambala (mbarambara) - Kozoni - Giriri - Baba - Gumbaya - Gara - Yanga - Dekongo - Kate-bongo - Mingi - Sarabete - Pono - Kambusu - Nyama - Uru - Zo-Kwe-Zo - Legeoko - Songo - Meke - Kororo - Bagara-ngunda - Bakuya - Balabala - Ngu-ynzapa.

ÛSE HÄKÄNGÖ-TERÊ

Zîa âkpoto sô alîngbi na lî tî âmbupa tî âversëe sô :

"Biani, Nzapa aye azo ti dunia so mingi, si lo mu gi oko Molenge ti lo, titene, zo so ama na be na lo, alingbi ti kui pepe, me lo yeke na fini so angba lakue lakue.

Nzapa atokua Molenge ti lo na dunia so, ti fâ ngbanga na li ti azo ti dunia ni pepe, me ti soo ala. Zo so ama na be na lo, ngbanga ayeke na li ti zo ni pepe. Me zo so ake ti ma na be, Nzapa afâ ngbanga na li ti lo awe, ndali ti so lo ma na be na oko Molenge ti Nzapa pepe.

Nda ti ngbanga ni ayeke tongaso : lumiere aga na ndo ti dunia so, me azo aye tene ti lumiere ni pepe. Ala ye gi tene ti vukongo ndo ndali ti so ye so ala yeke sara ayeke sioni. Zo so kue ayeke sara sioni, lo ke tene ti lumiere. Lo ye ti ga na ya ti lumiere pepe, ngbanga ti so lo kpe titene azo abaa sioni ye so lo yeke sara. Me zo so ayeke sara ye na lege ti taa-tene, lo ga na ya ti lumiere ; tongaso azo abaa aye so lo yeke sara, si ala baa so, lo yeke na yanga ti Nzapa"

(Jean 3 : 16 - 21 - MBETI TI NZAPA - Fini Mbuki - Alliance Biblique en Centrafrique - 1995, 2001 - Nouvelle version révisée).